【On.cc】黎彼得離世享年76歲 　契仔黃宗澤大感錯愕

資深綠葉、香港樂壇殿堂級填詞人黎彼得今早（5日）離世，享年76歲，其契仔黃宗澤回覆東網指對於契爺的死訊大感錯愕，坦言：「未知，佢屋企人未通知我，等我了解吓先。」早年黎彼得心血管出事，要應付龐大手術費，當時黃宗澤即伸出援手作經濟援助，患難見真情。而黎彼得的好友鍾志光則向外證實其死訊，透露黎彼得自今年3月起因中風臥床，身體機能逐漸衰退，最終與世長辭。

黎彼得離世。

有指黎彼得今年3月中風。

一直臥病在床。

中風後已不認得人。

黃宗澤對黎彼得有情有義。

鍾志光指黎彼得晚年身體欠佳，今年初入住護老院，3月在院內中風暈倒，之後一直臥病在床休養，而在黎彼得5月13日生日當天，鍾志光曾前往探望，但當時黎彼得已無任何反應，因此最後沒有留下任何遺言。鍾志光又感嘆在黎彼得中風前幾天，兩人一同飲茶時對方精神狀態不錯，沒料到如今會天人永隔。據知黎彼得的家人希望低調處理後事，目前尚未有任何安排。鍾志光表示會尊重家屬意願，並對摯友的離去感到非常難過和不捨，其子黎樹德及鍾志光將於明天（6日）下午4點會見傳媒交代事件。

黎彼得近年仍有主持網上節目。

鍾志光證實黎彼得死訊。

黎彼得早前主持網上節目時，明顯消瘦。

黎彼得於處境劇《愛．回家之開心速遞》飾演組合大四喜的「豹叔」一角令人留下深刻印象，同屬大四喜的劉丹接受東網訪問時大感傷心，他坦言：「我知道，都係鍾志光話我知嘅，因為佢探過Peter，當時Peter都唔係好認得人，唉呀....變咗咁嘅情況，都冇去探佢，個心一定好唔舒服，我知道佢已經走咗，其實佢係病咗好耐，都算係一種解脫。」

大四喜另一成員的陳榮峻則表示：「我都係啱啱先知，嗰陣鍾志光都同我哋講過，佢入咗護老院，因為佢每日都要洗腎，之前又話佢中咗風，已經係半植物人，我哋都冇去探佢，因為知佢都冇意識。」

大四喜深入民心。

在觀眾心中成為經典。

陳榮峻透露黎彼得生前要洗腎。

劉丹大感傷心。

而跟黎彼得曾有不少合作的孫慧雪，對其離世深感惋惜，並謂：「我同Peter哥認識咗好耐，由以前一齊拍劇，到上年一齊同佢去拍節目，一齊去雲南玩得好開心......聽到呢個消息真係覺得好唔捨得，希望佢喺天上逍遙自在。」

黎彼得近年已絕迹《愛．回家》，但仍持續在環星娛樂的網上頻道，與鍾志光共同主持節目，片段至今年5月仍持續上載，片中他並無異樣，估計節目是在中風前預錄。

孫慧雪與黎彼得曾有不少合作。

黎彼得於《愛．回家之開心速遞》飾演組合大四喜成員「豹叔」。