《愛·回家》煞科宣傳 湯盈盈單立文變「喊包CP」 周嘉洛吳偉豪新劇再續兄弟情.播出長達9年半嘅處境劇《愛·回家之開心速遞》即將迎來大結局，一眾演員今日（18日）無懼天雨出席戶外宣傳活動，與粉絲玩遊戲道別。湯盈盈和單立文被爆在尾聲突變「喊包CP」，湯盈盈拍最後一集時「喊到豬頭」，單立文亦喊到眼腫，坦言9年半積聚咗好多畫面，需要沉澱同放手。佢話：「喺香港低迷時期，我哋咬着牙關以正面態度陪住香港人開心食餐飯，呢個係我最驕傲嘅事。」

滕麗名表示拍攝尾聲時已同新劇重疊，稍後仲要去馬來西亞拍新片，打趣要申請大假陪老公滑雪，否則擔心會被「和離」。呂慧儀將投放更多時間喺教育中心，林淑敏則要趁機休息，9月返加拿大探親。周嘉洛和吳偉豪在《愛》劇中培養出兄弟情，現正拍攝嘅新劇《驅魔速遞》再度拍檔，二人笑言合作十年「愛」會持續升溫。周嘉洛承認忍唔住喊，最唔捨得劇中媽媽滕麗名及好友吳偉豪。對於緋聞女友陳瀅清楚知道佢入新劇組，周嘉洛笑謂：「佢咁犀利？但我都知道佢九月入劇組，我都好清楚佢嘅行程。」TVB