【On.cc】李金凱用腳開窗險飛墮落樓 網民憂心勸裝義肢
《中年好聲音3》選手李金凱天性樂觀獲封「生命鬥士」，早前佢自我組裝機械手有番對手，又自嘲似變形金剛，但其實只係攝影器材支架，平時生活佢都係未搵到滿意嘅義肢。點知日前金凱分享新片段時，就差啲釀成家居意外，令網民擔憂，紛紛勸佢安裝義肢。
李金凱依家都仲未搵到滿意嘅義肢。
平時拍片就靠攝影器材支架。
近日李金凱放假返雲南老家，佢分享影片留言：「這一抹家鄉的夕陽送給你❤️❤️生活的美好從來不在遠方，而是在眼前。」片中見金凱為同網民分享窗外夕陽美景，走到梳化上開窗，當走近窗邊以腳向外推窗一刻，身體突然失平衡向前傾，幸好反應迅速保持平衡先避免慘劇發生！
有大批網民睇完片段都忍唔住為佢捏一把汗：「開窗那一幕真的好危險，一不小心失平衡就掉下去」、「拉入又驚佢撞到自己，推出又驚佢隻腳一伸就飛埋落街」、「企穩呀凱凱」，有網民亦建議金凱考慮安裝窗花及義肢，以來提高生活便利和安全性。
今次佢就用腳開窗。
失重心向前仆！
網民勸李金凱快啲裝義肢。
真係畀你嚇親。
