【On.cc】港姐︱劉佩玥睇實師妹防走光 袁偉豪驚拍外景中暑
《2025香港小姐》14位佳麗今日（31日）出發到馬來西亞拍攝外景，藝人袁偉豪（Ben）、劉佩玥（Moon）以特別嘉賓身份隨團出發，眾人今早齊集電視城參與拜神儀式，祈求拍攝順利。
Moon透露今次行程緊湊，休息時間不多但又要保持狀態不容易，故擔心佳麗能否適應，身為師姐的她又憶起當年參選出外景到台北時的難忘回憶，她説：「記得當年要自己化妝、整頭同帶衫，因為想突顯我哋個性，好大挑戰！」她表示已多帶了營養補充劑，屆時若師妹們有需要可跟大家分享。問到會否跟師妹們一起穿比堅尼亮相？她耍手笑稱不用了，指當年參選是人生最弗時候：「依家都唔差嘅，但就冇想挑戰呢樣嘢，哈哈！呢排都想Keep少少，因為夏天想着背心、短褲，年紀會令代謝差啲，唔可以懶。」她表示泳衣環節自己也有重任，會負責替一眾師妹幫眼以防走光，與Ben會多跟佳麗傾偈和分享經驗，令她們面對鏡頭時可放鬆一些。
身旁Ben即搞笑指已帶備相機，鼓勵Moon穿比堅尼可替她留倩影。他坦言與一班女士同行，最重要是要先照顧好自己，笑言怕太熱中暑反變成大家負累：「仔細老婆嫩嘛，當然照顧方面交番畀女士（Moon）會方便啲，但都希望幫手搬吓嘢。」問他捨得撇低懷孕太太張寶兒和仔仔「袁咕碌」？他笑言：「我再唔行唔使行啦，哈哈！趁依家太太5個零月，去到7、8個月就未來敢行開咁遠，佢依家仲身輕如燕，自己揸車出入，唔係第一胎輕鬆啲，我好鍾意開工㗎！」他表示早前看過佳麗的資料，發現當中不乏猛料學霸，笑指想替袁咕碌找定個補習老師。
劉佩玥同袁偉豪準備出發。
袁偉豪驚拍外景中暑。
劉佩玥拒晒比堅尼。
南皇娱乐城
[爱心][爱心][爱心]