游嘉欣对引诱吸毒的朋友会即绝交：佢会做呢样嘢即係唔係同道中人 | 香港01
TVB新剧集《侠医》昨日（3日）举行开镜拜神仪式，剧中一众演员陈豪、张曦雯、江欣燕、丁子朗、冯皓扬、谭凯琪、刘佩玥、陈嘉辉、黎燕珊、郭柏妍、马贯东、张武孝、林映辉、程可为、游嘉欣等人都有出席。
游嘉欣接受《香港01》访问时表示今次于剧中饰演一个脑麻痺的患者：“佢脑麻痺嘅严重程度系佢行唔到路，同埋佢左手活动会有困难。”
游嘉欣被问到最近她的中学母校，有学生吸食太空油一事，她表示感到震惊：“我啲friend都有send畀我睇，我都觉得有啲诧异嘅！”她表示以前读书时校风尚算纯朴，学生尚算乖巧，她亦相信学校会处理：“我谂校方都应该会严肃处理嘅！”
至于以前游嘉欣在学时，学校有没有发生同样的事情时，她不觉得有这样的事发生：“我以前读嘅时候就真係唔係好觉得嘅！因为我觉得大家都好乖。（即係冇乜坏学生？）唔係好觉得有，係冇乜大事件发生过。”
而被问到有否被引诱过吸食太空油，她则指太空油兴起时只这几个月的事情：“因为太空油兴嘅嗰段时间，我就係喺内地度拍紧旅游节目。咁所以嗰阵时我都係咁啱同行嘅人讲起呢样嘢，我先知道原来而家出现咗太空油呢样嘢。”
游嘉欣觉得太空油的危害很大：“好似会损害神经之类，咁我就觉得大家唔好尝试呢啲嘢！”说到她当年读书时代太空油还未兴起，会否有人引诱她去吸食毒品，她即指：“又真係冇喎，因为我自己嗰阵时返学嘅时候都係做运动同埋读书比较多，咁我身边嘅朋友都係比较乖嘅，咁所以又真係冇乜人去怂恿我去食烟呀或者去吸毒呢一啲。”她笑指自己是注重健康的人，所以绝不会去吸食毒品或太空油等物品。
而被问到会怎样拒绝这些引诱时，她表示会直接拒绝：“我都唔会接触呢啲会危害身体嘅嘢！”如果她朋友引诱时，她二话不说会拒绝兼绝交：“因为我觉得如果佢会做呢样嘢嘅话，咁即係唔係同道中人！我都唔会想我身边嘅人做呢一啲咁危害自己健康嘅嘢。”
