夺命提示｜丁子朗与郭柏妍床戏有“生理反应” 收视好除衫打一场 | 香港01
TVB新剧《夺命提示》日前（18日）继续宣传活动，一班演员于一酒楼举行晚宴，而出席的演员就有：张振朗、丁子朗、刘佩玥、刘颖镟、郭柏妍、邓智坚、黄子恆、樊亦敏、区明妙等人，大家聚在一起一同看剧集的播出。丁子朗虽然头三集都未出场，他接受《香港01》访问时表示自己很紧张。
丁子朗解释他会先以一名衝锋队队员出场，之后才加入陈山聪等人成为队员：“跟住因为捲入咗一单案，先加入咗佢哋嗰个ASIB嘅一个团队。”他被问到是否第一次饰演这种角色，他笑指是第一次：“係第一次做衝锋队，感觉都几特别，因为book咗架嗰啲衝锋车，我第一次坐上去，真係几有型。我哋虽然拍紧戏，出面写住道具，但係我哋㗎车喺条路面行嘅时候，隔离啲车真係会安分守己啲，唔敢超速。”
丁子朗指剧中的“三生三旦”一行六人，会瓜分三十集的打戏，而查案方面将会大家一起查：“我哋每单案都会全部人去一齐查嗰单case，因为每单case都牵涉我哋唔同人。”他更于网上见到有人问“到底谁是Julie”，而Julie亦是今次剧中的重点：“因为有一个会夺你命嘅提示，呢个Julie就係一个好危险嘅一个线索，所以我哋成套剧基本上就係揾紧呢一个提示係啲乜嘢嚟。”
丁子朗本身识功夫，他亦曾自爆打伤过人，今次被问到有没有打伤人时，他就笑指“今次好彩冇打伤人”，但就透露“本身有一场戏监制係想我除衫去打”。但是丁子朗觉得自己还未预备好：“但係我嗰刻就觉得我仲未ready，我就变咗著背心打，咁但係出到嚟效果都ok！”虽然当时他没有脱衣服来打，但就承诺：“如果真係收视好嘅话，再除衫再打一个！”
至于与郭柏妍的床戏，不少网民都想知道到底丁子朗当时面对著绝色美女会否有“生理反应”，而他则指自己有：“我嘅反应就係好怕丑囉，面都红晒都算係一个生理反应嚟嘅！”丁子朗亦指自己很怕身为男演员会侵犯到女演员，令她觉得不舒服，所以他觉得很害怕。虽然他很害怕，但都努力地拍，希望观众看上去会“enjoy”。
