【On.cc】李克勤被胡楓爆幾十年先約一餐飯 望做對方個唱嘉賓
年屆93歲的胡楓相當跟得上潮流，近年在內地社交平台開設帳號，最近他跟歌手李克勤相約吃飯，並將訪問片段放上網，克勤笑言如果自己將來好似胡楓這個年齡仍能開到演唱會就無得頂，並問對方：「你幾時再開個演唱會？我度期幫你做嘉賓，呢個係榮幸。」胡楓則反指佩服對方在內地及香港也大受歡迎，又問克勤最近有甚麼工作？但克勤未有正面回答，開玩笑謂：「最近冇，淨係同修哥（胡楓）食飯。」胡楓反應極快寸他：「淨係同我食飯？你幾十年先同我食一餐。啲朋友以為你時時同我食飯，幾十年一餐咋！」克勤聞言笑到出鏡，並大讚：「你個口才幾十年如一日好厲害，雖然講得慢少少。」其後克勤透露今年會在內地拍節目及唱歌，還有巡演：「你得閒過嚟，過年做咗兩場巡演，仲有澳門、馬來西亞未做，仲有兩三場，我諗年中會做。」
胡楓同李克勤食飯，點知佢話係幾十年先約一次。
李克勤想做對方個唱嘉賓。
佢自己都勁忙，今年會在內地拍節目及唱歌加巡演。
網友都想睇佢哋合作。
李克勤 胡枫[超话]
