【On.cc】炎明熹低調現身睇音樂劇 一時感觸眼濕濕
樂壇小天后炎明熹（Gigi）因合約風波被無綫雪藏多時，今晚她就在姑丈的陪同下低調現身睇音樂劇。臨近尾聲，台上播出6年前Gigi與T.Max海淦清當年參與舞台劇的演出片段，Gigi更受邀在台下發表感言，她笑言曾有人教自己，若果不知道說甚麼，就說「真係好唔簡單」就可以解決好多問題。
Gigi低調現身睇音樂劇。
受邀在台下發表感言。
期間Gigi感觸得眼濕濕，不時用手印眼淚。
她表示知道大家為咗音樂劇花了好多心思籌備，亦知道大家生活上有好多需要忙碌處理的事情，例如上學上班，但大家都願意抽時間一起來參加這個音樂劇，又形容這場音樂劇是「盛宴」，她說：「望返啱啱嘅畫面，我覺得有一種非常青春嘅感覺，然後非常難忘，亦都好有火，雖然嗰時唔知自己喺度搞緊啲乜嘢，但係呢一份嘅尷尬亦都係一個好美好嘅回憶，所以都好希望今次嘅舞台劇會成為大家珍貴嘅回憶，同時好想大家可以繼續為咗自己嘅夢想努力奮鬥，無論大家想做啲咩都好，都會好起來的，同埋大家一定可以做到。」期間Gigi亦都一時感觸得眼濕濕，不時用手印眼淚。
炎明熹[超话]
