烧肉控必试🔥人气爆登烧肉店59折优惠🤤

琴日同老公去咗呢间系ig人气爆登慨烧肉店，烧肉款式选择都几多，有和牛、豚肉、鸡肉、海鲜、内脏等等，我地嗌慨每款质素都唔错！而且系午市时段12点-4点或者宵夜时段9点半后入座，仲会有59折优惠，约埋一大班食就好抵啦😍！ 🐮原条手切牛舌（半条） $98 牛舌已经预先𠝹开一片片，需要自己落少少盐系牛舌上面调味。呢款牛舌唔系脆身个种，而系入口软嫩多汁，食完牛香仍然喺口腔散发住，真系一试爱上❤️！ 🐮和牛寿喜烧 $98 店员会喺我哋面前用火枪将和牛轻轻烧到5-6成熟🔥，然后沾上黑松露蛋汁，再放喺白饭上面。过程中令和牛油脂逼出嚟，入口油香四溢，每啖都系幸福慨味道阿🥰！ 🐮韩式烧牛大肠 $73 牛大肠可以揾店员帮手烧🙌🏻，店员将韭菜同蒜片放喺牛大肠上面到网烧，然后剪成粒状，一口一粒食起上嚟好方便。牛大肠食落散发浓厚慨油香，带有嚼劲，酱汁甜甜地好惹味！ 🐮和牛三角腩 $188 三角腩位见到清晰慨网状油花🤩，口感软绵嫩滑，入口即溶，牛味浓郁油脂丰富，食完齿颊留香！ 🐮和牛棒（附月见） $48 和牛棒外层烧到微微脆身，咬落去好有口感，配上月见汁令肉质更滑嫩😋。 🐤鸡爽肉 $48 如果想食鸡慨话，好推介大家嗌鸡爽肉！肉质香浓柔软又爽口✨，配上烧肉汁已经好好食🤤，而且烧完都唔会油腻。 🐷豚肉博多葱卷 $58 油香十足慨豚肉包住满满慨博多葱，里面慨葱非常爽脆💚，可以中和番豚肉慨油腻感👍🏻。 🦐海虎虾（2只） $88 虎虾size 大大只，加少少盐鲜味出晒嚟，虾肉厚实爽口弹牙👅！ 🍍菠萝 $28 菠萝食得出好新鲜，厚切件上好有口感，咬落去鲜甜爆汁💦，仲可以帮助解腻。 🍹百香果梳打 $28 食烧肉配番杯梳打饮就最爽啦！呢杯入面有大量百香果籽，饮落酸酸甜甜，百香果味令人解腻又开胃。 🍹青柠菠萝梳打 $28 青柠同菠萝慨酸甜味道完美结合，入口有淡淡慨青柠香气，加上菠萝慨果味，令人感觉清爽怡人。 📍 惊安烧肉商店 尖沙咀金马伦道48号中国保险大厦3楼C号铺