全港首创夏威夷果仁挞绣球花造型超加分🤍
玩乐的夫妇
2024-12-04 21:10:41
👦🏻👧🏻喺网上发现到呢间喺石门专做手工果挞慨小店，款式几吸引！全部由老板一人亲手制作，最受欢迎系「坚果の后•夏威夷果仁挞」同「香浓开心果挞」，夏威夷果仁挞仲系全港首创添！平时都好少见到夏威夷果仁做慨甜品，见到咁特别梗系要买嚟试吓啦！
手工果挞size分咗五吋（2-4人）、六吋（5-6人）、同八吋（7-10人），适合同朋友或者屋企人分享🥰。老板仲好贴心出咗mini size，一个人都可以尽情享受！制作需时，大家记得最少两日前喺IG dm/WhatsApp落单啦！
坚果の后•夏威夷果仁挞 5吋 $448
用咗夏威夷果仁忌廉吱成一大朵绣球花慨造形，裙边用咗夏威夷果仁粒粒做装饰，加朵粉紫色慨食用花同有店名logo慨金色朱古力牌仔系忌廉上面做点缀，卖相华丽吸睛👀✨！
呢度慨手工造挞皮真系好好味，入口香脆松化同好香牛油味🧈，里面有层薄薄慨朱古力酱🍫。盛载住用夏威夷果仁制成慨吉士忌廉🤍、带咸香慨喜马拉雅山岩盐焦糖忌廉🧡、软滑慨云呢嗱籽海棉蛋糕🍰同焦糖夏威夷果仁碎，仲有外层脆口慨夏威夷果仁粒粒，每啖都食到夏威夷果仁，层次感非常丰富！成个挞唔算好甜，食完都唔会有甜腻感。
📍 卖挞
沙田安丽街18号达利广场18楼1812室
0
阅读：0
