旺角美滋锅甜品放题🤩$198起任食！

旺角美滋锅依架做紧全新甜品火锅放题🍲，套餐价钱$198起，甜品自助区有超过20款甜品选择😍，有开心果糯米糍、鲜果挞、椰汁紫薯糕、泡芙等等，仲有怀旧砵仔同自动Pancake机，pancake可以自己加糖粉同糖浆，估唔到咁好食🥞！另外仲有小食自助区，有咖喱鱼蛋、烧卖及碗仔翅等港式街头小食🇭🇰。美滋锅每日营业至凌晨2时，9点后入座无限时任食‼ ️ 我地叫咗套餐B，里面慨肉类有齐牛、猪、鸡同海鲜，用iPad自助落单📲。呢度人气慨胶原蛋白养颜美容锅，入面有红枣、杞子、瑶柱、豆腐同菇菌，汤底猪骨味香浓，感觉好补身💕！ 🌟推介食物 🔅PRIME牛肩胛：入肉味浓郁，肉质特别结实细嫩。 🔅三黄鲜鸡件：肉质滑嫩，充满鲜味，鸡皮好爽弹。 🔅竹签虾：我地叫咗几次，每次都系虾肉新鲜，爽口弹牙！ 🔅沙白：蚬肉胀卜卜饱满，洗到无沙，非常鲜甜！ 🔅白柏叶：口感非常爽脆！ 🔅开心果糯米糍：外皮唔会好厚，够晒软糯烟韧，里面慨开心果炒得好香口！ 🔅鲜果挞：士多啤梨同芒果都系新鲜好甜㗎 📍 美滋锅 旺角登打士街56号家乐坊8楼803号铺