方力申情人節宣布結婚 迎娶拍拖兩年女友葉萱
恭喜!恭喜!方力申2月14號情人節,喺社交平台宣布迎娶女友Maple葉萱,小方分享咗兩張相,其中一張兩人嘅背面合照上寫上「MAPLE MARRY ME?」並喺帖文寫上:「我們在這裡結婚了,祝大家情人節快樂。」依相片上嘅背景嚟睇,二人應該係喺美國結婚,而小方簡潔嘅文字亦流露出無限幸福,相信小方父母最開心。
小方喺2023年公開女友Maple,雖然當時女友身為南韓攝理教受害人,但小方一直悉心愛護女友,保持低調關係,兼且陪伴女友到韓國出庭,而案件早前亦已完結。小方亦跟Maple踏入人生另一重要階段。