艺人专访丨傅嘉莉自爆有亲密对象 事业再进步即宣布结婚生子
新鲜出炉“最佳女配角”傅嘉莉（Kelly）事业顺利之馀，爱情同样得意，她自爆已有一位亲密了解中的对象，更被批蛇年有机会怀孕，不过事业心强的她扬言要拎视后一刻，才会宣布结婚生仔。
Kelly带同爱猫BeBe向大家拜年，她透露BeBe今年22岁，相对人类已经逾百岁，可算是“猫瑞”，虽然BeBe早前身体轻微抱恙，但验血后各方面均无问题，所以Kelly趁爱猫健健康康多带它出来留倩影，并祝愿大家都身壮力健，跟BeBe一样长命百二岁。
今个新年，对Kelly来说分外难忘，刚收获了一个奖项，成为她最好的新年礼物。“今年梗系会好忙啦，因为今年有个奖成日陪住我，摆咗喺我屋企做装饰添。呢个奖系我对份工最重视嘅成果，真系好多谢公司，仲要多谢投票畀我嘅观众，呢系佢哋送畀我最大嘅新年礼物，亦都系最大嘅生日礼物，你知啦，我生日系1月13号嘛。”
至于新年愿望，同样离不开事业，她说：“其实每年嘅新年愿望同埋呢一年嘅展望，梗系同我嘅事业有关嘅。张振朗说演戏就系佢嘅生命，对我嚟讲都系一样。所以今年我就希望拍戏一路都顺顺利利，同时幕后所有嘢都顺风顺水、平平安安嘅。我自己梗系要演好每个角色，仲希望我啲角色可以打动观众。我今年有套剧《刑侦12》，我饰演心理医生，我好锺意呢个角色，希望呢套剧系我下一个高峰。”而她于年初四开拍另一套新剧《玫瑰战争》，她称会好好享受几天难得的春假。
讲到蛇年运程，Kelly透露：“我自己好钟意研究下命理呢啲嘢，有师傅讲过，蛇年有件事要留意，就系感情同埋生育方面可能会有新变化。有人问我系咪想（有感情发展或者生育），如果想嘅话，今年就梗系要好好把握啦。但对我嚟讲，一切随缘啦，呢啲嘢都要睇上天眷顾。不过我自己都谂住有机会就试下啦，一路都系呢个谂法，但我都系想事业行先，好开心今年得到个奖，所以好想把握呢几年，再喺事业上拼搏多几年，而且依家啲科技好先进，可以将怀孕延迟。”
“梗系啦，我对自己嘅人生冇乜特定要求嘅，就算系十年、二十年之后先至发生呢啲事，我都觉得冇问题，只要我嘅人生可以多啲呢啲经历就好。依家冇办法对未来有太深入嘅规划，大家嘅建议我会参考下，但最终都系自己拿主意。”
被问到现在有冇拍拖，Kelly说：“有个亲密了解中，但系大家以事业为重。（蛇年会结婚？）呢个应该唔会。”她扬言事业有成再谈婚论嫁及生儿育女，并打趣谓：“其实我都同自己讲过，如果事业上真系取得一定成就，我就会结婚生仔。噉就噉定啦，等达到嗰个目标嘅（视后）嗰一刻，我就即刻结婚生仔。先同自己定下呢个目标，等实现咗再返转头睇。 “
