肥妈今日（14/1）现身尖沙咀出席美容代言人签约仪式。肥妈接受《香港01》访问时表示：「之前上去呢间美容院做facial，渠㗎话唔收钱，我就话都要收返多少慨，渠哋就提出不如我做渠哋代言人，我就话好呀，我要收返你哋钱，然后我就开出咗7位数字，渠哋谂都冇谂就话好。（7位数签你十年？）签一年咋，7位数字签十年？你做啦，黐线慨你都，一年咋，头先我睇嗰张合同写一年。（你唔好睇错喎！）咁梗系唔会啦，我睇呢啲嘢好精灵慨。」 肥妈续说：「我都成71岁，你睇我块面同啲皮肤做得几好，仲会做埋条颈。（身形唔使塑做吓咩？）你都傻慨，渠哋有话同我减肥㗎，但我唔制咋。因为我系肥妈，瘦咗冇得捞呀，仲要折埋嗰只，你傻慨咩。（你唔需要丰胸咩？）我唔钟意，我个胸已经想减啦，我天生太多材料，你估我啲仔女个个白养㗎，系冇三聚氰胺㗎，个个都养到肥肥白白，哈哈！」
