观塘打卡able慨吉士焦糖梳乎厘班戟🥞

老公知我钟意食梳乎厘班戟，带咗我去观塘食大大份慨梳乎厘班戟😍！梳乎厘last order时间系8:40pm，所以大家记得用QR code落晚餐慨时候叫埋啦！ 🍝意大利烟熏火腿卡邦尼意大利粉 $138 卡邦尼酱汁浓郁，包实每一条慨意粉，加埋只流心蛋食，令到意粉更加滑身！烟熏火腿份量有好多，有煎过几香口！ 🍔安格斯牛肉芝士汉堡 $148 牛肉扒算厚身，煎得啱啱好，咬落去有肉汁！夹住煎蛋、芝士、新鲜蕃茄、生菜同酸瓜，口感好丰富。 🥞吉士焦糖梳乎厘班戟 $108 估唔到梳乎厘班戟咁大份，上台有被震撼到😆！两层梳乎厘班戟叠高，每层都有厚度，所以睇落超高身！面层有层焦糖脆脆面同大量吉士酱，梳乎厘班戟口感绵密松软，唔系入口即溶嗰种，似好松软慨蛋糕，都好好味！吉士酱唔会好甜，所以食完都唔觉甜腻，加埋焦糖脆脆面，令层次感更丰富。旁边有焦糖爆谷，仲热热地同脆卜卜架！ 🍹海盐Kiri芝士奶盖槙之白宇治抹茶 +$27 上层慨海盐芝士奶盖质感轻盈，有阵阵慨咸香芝士味。我地叫咗少甜，宇治抹茶会再浓郁啲。 🍹芒果菠萝沙冰 +$24 味道好似芒果菠萝乳酪咁，质地比较杰身一啲。果香味浓郁，酸酸甜甜清新又开胃！ 📍 Four O Five Coffee & Eatery 观塘成业街19-21号成业工业大厦地下2号铺