旺角开业14年质素保证慨泰国餐厅🥘

屋企人话想食泰国菜🇹🇭，我哋即刻谂到旺角慨「泰厨」，开业14年有质素保证！仲有今次去有晚市优惠孖宝✨同加$1小食优惠✨，真系超抵呀！推介大家嗌辣椒膏/咖喱大头虾🦐，大头虾个size好巨型好厚肉，仲要新鲜爽弹鲜甜，喺出面真系少见呀🤩！ 🎉优惠一 晚市优惠孖宝🎉 泰式孖宝D $388 🥘咖喱软壳蟹 软壳蟹炸得非常香脆，肉质饱满多汁，配上香甜慨黄咖喱食好正！ 🐚泰式炒白贝 白贝炒到香喷喷，肉质鲜甜滑嫩，味道酸酸辣辣咁，越食越开胃！ ——————————————————————— 🎉优惠二 加$1任拣一款（有4款选择）🎉 （下午6点前，惠顾小菜满$200任选一款） （下午6点后，惠顾小菜满$300任选一款） 💛泰式海蜇 $1 呢度慨海蜇质地好似啫喱咁好得意！海蜇用泰式酸辣汁捞匀咗，酸辣味道好醒胃！ 💛泰式椰汁糕 $1 椰汁糕滑嫩带有香浓慨椰汁味，入面慨西米Q弹烟韧，加上清甜慨粟米，做饭后甜品真系好正！ 💛泰式生虾 $1 虾肉新鲜滑嫩，仲好弹牙添！每只都有蒜片同辣椒粒喺上面，加埋泰式酸辣汁食好过瘾呀！ ——————————————————————— 🦐辣椒膏大头虾 $482 有三大只大头虾，每只都好！大！只！上台嗰时以为嚟咗龙虾添🤪！大头虾预先切半咗，食起上嚟就方便好多！半只都好厚肉好有口感，甜甜辣辣咁香气十足，鲜嫩弹牙好正阿！ 🐮烧和牛串 $28｜🐤烧鸡串 $18 和牛入口即溶，鸡肉嫩滑有汁，配上自家制沙嗲酱够哂惹味。 🦐炸虾饼 $89 外皮酥脆可口，非常弹牙带有虾慨鲜味，沾泰式酸甜汁食，酸酸甜甜更滋味！ 🥓烧猪颈肉 $80 猪颈肉烧到外层有微微焦香，肉质软嫩唔会嚡口。 🥖蒜茸包 $42 包身烘到脆卜卜，上面搽满蒜蓉酱超级香口啊！ 🥣冬荫大头虾汤 $87 冬荫虾汤可以自选辣度，我地嗌咗小辣，味道偏酸带微辣，饮落虾味浓郁鲜味。仲有咁大只原只大头虾送添，真系好抵！ 🐟古法烤焗槽鱼 $136 槽鱼上面放咗香叶同香茅，用锡纸包住烧，打开时散发阵阵慨香味！鱼肉白雪雪新鲜嫩滑，无腥味而且唔算多骨，沾泰式酸辣汁食，啖啖惹味开胃！ 🥭芒果糯米饭 $68 平时食芒果糯米饭，成日都会食到最尾唔够芒果送饭！呢度用咗原个芒果，性价比好高！望落去浅黄色以为酸啦，点知食落系好甜😍！糯米饭口感烟韧软糯，淋上香甜浓厚慨椰汁食，我地一家都觉得好好味！