大围eforegg食圣诞大餐

就快到圣诞节🎄，紧系要食圣诞大餐啦🍽️！所以我约咗屋企人去大围E for egg食丰富圣诞大餐🥳！依架新出咗几款期间限定食物，有「冬蟹三重奏茶渍丼🦀」、「三重熔岩芝士烟肉滑蛋盒子吐司🧀 🥓」、「赤のE FOR EGG窝夫（草莓）🧇🍓」等等。 🦀冬蟹三重奏茶渍丼 $168 丼饭上面有松叶蟹脚、蟹钳、蟹肉、蟹膏、蟹籽同蛋丝，卖相非常吸引呀✨！蟹壳已经预先剪开咗，仲俾咗手套方便食用🙌🏻 将所以材料捞匀食已经好好味，啖啖都有蟹慨鲜味😋，加入玄米茶落去食🫖，带出淡淡慨茶香味，食落肚暖笠笠好舒服阿❤️。 🥪期间限定 三重熔岩芝士烟肉滑蛋盒子吐司 $88 吐司用牛油煎到金黄香脆，上面慨芝士热溶过好似熔岩咁流出嚟🧀！里面夹住滑溜慨滑蛋🥚，仲有咸香慨芝士烟肉添🥓，口感好丰富呀！旁边有黑醋沙律🥗同炸芝士年糕，芝士年糕外脆内软好滋味💛。 🐟蒲烧星鳗茶渍丼 $108 星鳗厚薄适中，配上鳗鱼酱汁，入口香甜软腍。饭上面有紫菜丝、蛋丝、饭素、菇粒同三文鱼籽，加入玄米茶食，味道唔会好咸。 🍜豚肉生姜烧捞乌冬 $86 豚肉用生姜烧汁煮得好入味🐷，乌冬口感Q弹烟韧，底下有生姜烧汁捞匀食。配料仲有紫菜丝、葱丝同粟米，增添唔同慨口感同香味👍🏻！ 🧆E For Egg大拼盘 $98 （紫菜味薯条🍟、台式黑椒肠🌭、酥炸鸡软骨🐤、炸蚝🦪、炸鱿鱼须🦑共5款） 每款都炸得好脆口同干食，入口唔会油腻腻慨感觉。 🍰开心果巴斯克芝士蛋糕 $62 巴斯克蛋糕口感非常滑溜绵密😍，带有香浓慨开心果味，仲有浓厚慨芝士同蛋香味，做得好出色啊👍🏻！ 🧇赤のE FOR EGG窝夫（草莓） $92 鸡蛋放喺窝夫面上面好可爱！窝夫新鲜热辣整起，外脆内软带有浓厚蛋香🥚。面层慨芝士奶盖撒上士多啤梨粉🍓，咸香得嚟带有草莓慨香甜味💕。切开里面有两粒雪米糍，外皮烟韧包住冰凉慨云呢拿雪糕🍨，同窝夫一齐食好好味呀！ ☕️桂花拿铁 冻 $45 咖啡带有淡淡慨桂花香味🌼，味道几清新。 🫖桂花香梨茶 热 $56 食完咁多嘢最啱饮番杯清新慨花茶，呢杯桂花香梨茶好香桂花味✨，香梨煲到甜味出晒嚟🍐，饮落好清甜舒服。 💚开心果特调 冻 $56 开心果鲜奶香浓顺滑，饮到底下仲有滑嫩慨豆腐，呢杯有得饮又有得食😝！ 📍 E FOR EGG 大围城河道19-25号城河楼地铺