宣布回歸樂壇的譚耀文（阿譚）近期在深圳為無綫新劇《正義女神》日夜趕工，但亦不忘回港為東華演出，24小時內來回兩地也感值得，他說：「之前推出新歌嗰陣時，接受薛家燕訪問時，講過話有機會合作就好，估唔到隔咗冇耐之後就收到佢邀請我做嘉賓，仲話想同我做一Part勁歌熱舞，當時一聽到就即時答應。」
阿譚又指事隔多年重返無綫表演，心情特別緊張又興奮，當再見熟悉的面孔時，感覺分外親切，更表示因為要載歌載舞，所以要在拍劇途中來來回回返香港排練，他說：「雖然好耐冇又唱又跳，不過可以做番自己最擅長嘅跳唱，有種好熟悉嘅感覺，其實喺演出之前因為趕劇嘅關係有啲唔係好舒服，好彩都冇影響正式演出時嘅水準，現場見到啲觀眾反應，就知道冇白費工夫。」
