众力资讯网

主持人全程粤语评论国足 2:2 巴林比赛 广州主持人陈宁在社交媒体录视频,全

主持人全程粤语评论国足 2:2 巴林比赛


广州主持人陈宁在社交媒体录视频,全程用粤语谈昨天晚上国足的比赛,内容如下:

国足对巴林队嘅比赛咧,赛后有几点嘅感想啦:
咁第一点咧就系其实巴林队无论佢哋嘅整体定系个人,嗰个球员嘅能力咧,其实都系好过中国队嘅,呢个系一个好明显嘅事实。
咁第二样嘢就话其实中国队就诶佢哋嘅打法都唔系话好清晰啊,究竟踢咩战术啊,同埋佢哋嘅球员嗰个长处咧系发挥唔到出嚟嘅。
咁第三样嘢有一样嘢奇怪咧,就系其实诶刘洋喺上一场嘅比赛嘅表现唔好啦,咁但系呢场比赛唔知佢点解会叫佢做队长,呢个系一个好好奇怪嘅安排,就好似之前安排阿韦世豪做队长一样咧,诶不知道诶教练嘅用心何在。
咁仲有一样嘢就系蒋圣龙其实喺今年嘅中超联赛咧,只系踢过 5 场比赛嘅啫,但系佢都仲可以入选国家队继续比赛,咁呢样嘢亦都系诶我觉得佢嘅状态系唔足以支持佢上场比赛嘅,呢个系另外一个困惑嘅地方。
咁另外一样嘢就话其实中国队亦都有亮点啦,例如张玉宁喺下半场嘅上场咧,其实系令到中国队嘅进攻全部都诶立体咗啦,同埋威胁大咗啦。咁另外王玉栋同埋杨曦亦都系中国队喺呢一场嘅比赛咧,为数唔多嘅亮点,咁我相信佢哋两个年轻球员咧,将来有一个好光明嘅前景。
咁想讲讲球场啦,咁啊肇庆嘅新区体育中心足球场咧系我哋广东省第一个专业球场。咁我之前其实亦都去过国内嘅其他专业球场啦,咁但系可以讲就球场嘅草地系一流嘅,个草坪非常之靓啊,有利于球员嘅发挥,咁如果喺交通方面能够再改善少少咧,我相信诶新区体育场咧系可以成为一个咧更加好嘅专业足球场。