藝人譚耀文昨晚（25日）出席活動獲頒獎項，以表揚其分別在歌、影、視的成就。譚耀文表示自己去年在歌唱事業重新起步，於麥花臣場館舉行了演唱會，感到滿足之餘亦為了報答歌迷多年支持，問到可有計劃開大騷？他表示相信每位歌手都以紅館作為自己的目標，自然亦正努力朝着紅館進發。

談到演戲，譚耀文透露從影以來一直也有個底線，會拒絕接拍打母親或強姦犯角色，他笑謂：「最多都係逼阿媽坐監。」問到拍攝裸露場口若被要求臨時加戲會否跟對手商議？他説：「要！當然要小心啲，問吓同我拍過嘅女主角，我係好守規矩嘅人，要加戲嘅話，會聽從導演說法，監製話冇問題就得。臨場加戲要睇情況，我都遇過臨場加戲，要我同一位著三點式嘅模特兒喺梳化親熱，我拒絕咗，因為當時我仲係歌手，有偶包，哈哈！（如果因為你拒絕搞到停拍？）咪停囉，因為都要合理先可以接受，他自己呢個年紀同年資，冇乜嘢好驚，只係講道理，都可以先跳拍其他戲份先。」他認為大家可以先傾底線，直言女演員永遠一定要尊重，若然對方覺得過了尺度不能接受，可以靠借位來拍。

譚耀文指見到很多演員都為藝術豁出去，作很大犧牲，最近剛看過好友導演的新片《超風》，問到可有像梁朝偉那麼深感受？他説：「我都好深感受，但冇佢咁深，冇瞓唔着，我都好感謝，因為演員好赤裸地表達性別，呢種電影真係需要咁樣做，令我好震驚同好驚訝，無論男女演員可以為一個劇本而大犧牲，背後真係唔容易！」他認為首先要相信導演，相信對方的審美眼光。問他能否演這種尺度？我直言可為藝術犧牲：「因為藝術有好多尺度，有啲係赤裸裸，有啲係好激烈，有啲係唯美，視乎人物遭遇起承轉合，可能場戲就係咁赤裸但其實係好傷感。」他指演員接劇本、於現場分析或加戲時，同樣要審慎判斷。