因為喺馬來西亞住緊嗰間酒店冇得睇TVB，
只可以喺網上面睇返啱啱嗰集啲精華片段。
我見到有啲觀眾又係講「劇情」，「假」，「做戲」，
唔緊要，我知道就算我點講，有部份人都係會咁諗，
但係我作為今次節目嘅主持人，有必要幫個節目講兩句，
如果嗰一刻Oscar唔係揀咗有撳燈嗰兩位女神其中之一，
佢係真係會被淘汰，冇得再玩，所以我先有咁嘅反應。
完咗佢嗰part之後，我、監製、導演、編審，
即刻同佢哋幾個女仔再嚴肅地briefing多一次，
只要你覺得呢個男仔幾好，你就可以撳燈，
亦都唔好以為其他人會撳燈，所以自己唔使撳，
如果唔係就會好似啱啱Oscar咁，
爭啲淘汰咗一個高質素嘅求愛勇者。
另外，最浪漫，最感動，我認為就係東東同Mandy，
佢真係由西安自己一條友飛過嚟西貢面試，
之後嘅故事發展係點，希望大家繼續密切留意，
但係我都好希望，Hepta可以努力加油，
我係非常喜歡你，做女婿你係一流嗰啲嚟！
女神配對計劃2，下一個階段，星期日晚記住睇啦。
