导演许鞍华、田启文、朱晨丽（朱朱）、陈庭欣（Toby）、邢慧敏、练乐仪、古佩玲及黄建东等，今晚（7日）出席电影《欢迎来龙餐馆》香港首映礼。Toby和朱朱齐接受访问，虽然朱朱已离开娘家无綫，但Toby谓两人有朋友Group，间中也会相约食饭见面：“讲吓近况同八卦嘢。”谈及朱朱日前在广州举行人生首个个唱，但朱朱否认转战当歌手，只视为突破自己的挑战，觉得当歌手很好玩，又可学习新事物，她说：“好似上特级班要好快学新嘢，唱歌都难，所以好敬佩歌手，喺个骚度有唱翻唱歌，同唱咗未发布，全球首唱嘅个人国语单曲《你的微笑（暂名）》，因为好快咁做首歌，暂时未知几时正式发布，其实唔系因为巡唱先做呢首歌，只系有机会咪试吓啰，都系啱啱开始，未知用咗几多钱。”

她又说虽然本身是演员，但也爱唱歌，不过转型当歌手的道路太漫长，需要长远计划。对于有网民指她未有代表作歌曲就开骚，她觉得正常：“咁我唔系歌手。（做多几首代表作？）努力吓啰，争取由第一首开始先啦，凡事由零开始。”

问到新工作安排？朱朱表示正倾不同范畴的工作，刚离开无綫，需要慢慢学习及消化，虽然初期遇上不少困难， 但多得身边朋友帮忙。问可有男朋友支援？她坦言有男性朋友帮手，她说：“有曹永廉、崔建邦、个唱嘉宾关楚耀等。”又指自己经常忘记人名，笑言可能睇手机太多，或者年纪增长导致脑雾。问到早前她被传婚讯，她反问：“连我都唔知喎，呢啲谣言唔好传 ，之前都讲过有个圈外了解中嘅男性朋友，慢慢发展中，都喜欢嘅，否则唔会去了解，系香港人，但系咪做生意就唔透露咁多啦，朋友介绍嘅，其实都冇乜人知嘅。”

Toby则表示不知朱朱的新圈外发展中朋友，又劝朱朱应用长时间了解对方，笑言是过来人：“我就系用好耐时间都未了解到（前度），所以唔使急。”问朱朱可有笋盘介绍给Toby？朱朱直言：“我都掹掹紧喎，大家唔好以为我哋好多人介绍，边有咁多货喺身，好多嘢都系随缘。”Toby则指在无綫恋综节目《女神配对计划2》中很多求爱勇者，又笑谓后悔没报名参加 ，不过男参加者不是太年轻就太年长，相信节目主持人兼金牌媒人林盛斌会暗中帮她筛选，她说：“佢忙啫，冇放弃我，我谂佢忙完节目会再搵我。（心急拍拖？）唔急，难得依家可以做番自己想做嘅嘢，但唔系想玩吓，嚟紧有国际性球赛，望攞到好成绩。”

田启文接受访问时，表示向成功的电影取经：“部戏好收得，咪要嚟学吓嘢，收得嘅要学习，唔收得嘅都要学习。好睇嘅要睇点解好睇，唔好睇嘅要睇点解咁唔好睇。”近年内地剧集爆红，他坦言未有时间研究，反而太太较热衷煲剧，自爆：“好似嗰套内地剧《蜜语纪》，佢咩都睇嘅，成间屋得两个人，咪陪佢睇啰。尤其朱珠（内地女演员）脸上面有两个酒粒，又几得意。”又透露现时正在尝试AI短剧的制作方式：“喺度搞紧，谂吓试吓有冇空间。”最近刚完成了电影《天光戏》后，将再接拍另套贺岁片，也想改变戏路。问他可尝试太太喜欢的霸总角色？他说：“都可以谂吓，我都好少做。（畀老婆睇）佢成日都畀啲反面教材我，叫我唔好乱谂咁多，唔好做咁多，多啲陪佢。”

许鞍华早前获第31届釜山国际电影节“山茶花奖”，她接受访问时表示：“觉得今次攞比以前高兴，因为有少少更加老，就名正言顺，颁奖礼嗰日都会出席，因为冇以前咁忙。”谈及电影市道差，她觉得不应常提“市道差”这3个字：“其实话电影差已经讲咗30年，咪一样有得拍。大气候冇办法，但系心态一定可以改变。唔好咁沮丧，要睇有咩题材系拍得，依家电视剧好多，电影要特别题材先吸引到人。”

讲到近期A.I.热潮，她认为科技未必抢到演员饭碗，反而使用恰当就能帮助到电影制作：“譬如近排有套系AI同真人沟埋嘅电视剧，啲人会好奇去睇，我唔抗拒用AI制作，可以悭钱又系噱头，啲演员会担心用咗佢把声、个样就唔使佢哋，但系谂得好，演员可以悭番啖气。”她也认为AI制作并不能完全取代电影，因为睇电影已成为娱乐节目一部分。问觉得有AI制作是好事？她认为：“我唔敢讲，但系个潮流嚟咗，只可以用正面啲态度去面对，一定有好处嘅。”