曼城、阿仙奴繼續榜首爭持；侯城成為唯一一隊保持清白之軀嘅球會；高雲地利三戰過後難求一勝，林柏特壓力空前巨大…

▪️歷高威廉斯嘅搏命爭取入波，可惜手球食詐糊。東拿利同賓坦古亞表現穩定咗，尤其係後者對防守嘅幫助唔少。

兩隊都係中後場球員表現好過中前場嘅，兼且埋門質素比較普通。森林近13場英超主場比賽，只係贏咗一場。

烏克蘭翼鋒梅迪歷自從2024年11月11號之後，再次喺英超上陣。

▪️不得不承認，基亞利殊出場之後嘅牽制能力好強，與中路嘅連繫意識活用咗曼聯禁區前嘅防守空間，加上赫基尼（Hayden Hackney）同樣令人印象深刻，接管咗中路嘅轉移工作，迪斯貝利賀爾（Kiernan Dewsbury-Hall）嘅位置解放，令愛華頓有一段時間踢得機動、順暢。

達洛特（Diogo Dalot）被牽制出去、麥佳亞唔敢遠離防線，當卡域克想用安祖利山度士（Andrey Santos）換走明奴去填補漏洞嘅時候已經太遲。但曼聯其實沒未至於脆弱到無機會攞走3分，利用薛斯高嘅特點完成脫身，並且再度領先，愛華頓嘅二閘防守其實今場有過唔少問題，都差d俾曼聯贏波。

愛華頓連續兩場追平，韌性值得一讚，而更值得讚嘅係佢哋病唔係單靠傳中狂轟濫炸，而係有更多利用地面斜傳嘅嘗試。

▪️雙方開季均取得兩連勝，阿仙奴開波早段就失分有點令人意外，但係夏圖嘅傳波同摩根羅渣士嘅射門都係無話可說。今場車路士嘅進攻鐵三角嘅表現都唔差，包括柏杜尼圖都有一腳埋門中柱，可惜就未能夠再增添比數，馬天尼斯嘅演出同樣出色。

阿仙奴喺近五次英超主場交手面對車路士都能夠贏波，夏維斯、卡拉費奧利以及奧迪加特繼續有貨交，整體施壓令對手防線壓力相當大。

英超第3週賽事賽果-葉士域治0-2 利物浦紐卡素2-2 般尼茅夫富咸2-3 水晶宮白禮頓1-1 列斯聯賓福特1-1 辛德蘭諾定咸森林0-0 托定咸熱刺曼城1-0 高雲地利侯城0-0 阿士東維拉愛華頓2-2 曼聯阿仙奴2-1 車路士

Premier League愛華頓阿仙奴