▪️熟悉嘅一幕又再出現，只不過今次着上唔同嘅波衫。文達戈拿左腳遠距離世界波，倒戈相向為拖連奴入波，仲當選賽後最佳球員。

拖連奴今年有啲吸引力，有幾個意大利球員都值得繼續觀察，當然仲有菲慈佔天樂（Kian Fitz -Jim） ，睇嚟佢喺呢度搵到一個唔錯嘅平台；車亞當斯入咗今季第二個聯賽入波，兩球都好精彩。

費倫天拿頭三場聯賽全部輸晒，佢哋呢個轉會窗都認真奇怪，整整兩個月不停喺度做交易，仲去到最後時刻先賣走首席前鋒摩西堅恩，好多嘢不斷改變，不斷調整。

▪️應該係今季到目前為止睇過最精彩嘅一場！

50分鐘 普列坦奴1-0；53分鐘 凱倫 2-0；56分鐘 勞達路馬天尼斯 1-2；82 分鐘 馬古斯杜林 2-2；然後馬古斯杜林、尼利斯、桑保安古沙相繼錯失黃金機會，正當以為大家都咁禮讓嘅時候… 90分鐘 勞達路馬天尼斯 3-2！

艾歴利呢兩場嘅換人效果都麻麻哋；凱倫呢兩場嘅入波都靚。

上季聯賽最佳球員嘅廸馬高，今季交出第一個助攻。

▪️羅馬今季三戰全勝，跨季意甲八連勝，加斯柏連尼成為歷史上第三位做到呢個成績嘅羅馬教練。

羅馬全場有39次埋門同 66% 控球率，場面上完全佔優。蘇利（Matias Soule）、卡斯祖（Santiago Thomas Castro）後備入替埋門又中楣又中柱。

卡尼錫基季初嘅表現非常神勇，比蘭路華係另一個表現得比較好嘅亞特蘭大球員。

意甲第3週賽事賽果-熱拿亞1-4 科莫費倫天拿1-2 拖連奴國際米蘭3-2 拿坡里羅馬2-1 亞特蘭大費辛隆尼🆚威尼斯（稍後時間進行）帕爾瑪🆚蒙沙博洛尼亞🆚薩斯索羅祖雲達斯🆚AC米蘭卡利亞里🆚萊切烏甸尼斯🆚拉素

Serie A🇮🇹 拖連奴國際米蘭羅馬