【On.cc】胡定欣被胡蓓蔚爆係富婆　成日請食飯

視后胡定欣與好姊妹胡蓓蔚，張寶兒帶同大仔捧場，楊思琪、譚耀文、阮浩棕和蔣祖曼等，今日（5日）出席時裝設計師姚子裕個人展。胡定欣表示很少一起扮靚出席活動，胡蓓蔚即取笑她説：「結咗婚係咁㗎啦！」問到喜愛時尚的胡蓓蔚今季花了多少置裝費？她透露今季花費大幅減少，指老公單立文（豹哥）完成《愛·回家之開心速遞》所有拍攝後，從公司將5大袋私伙服裝搬回家：「未知點處置好，但同老公講起碼3個月唔好買衫，其實我哋好富足，唔需要成日買嘢，做嘢幸運地有贊助，同埋依家心態唔同咗，覺得人係需要咁多嘢。」胡定欣表示應使則使，因服裝是工作上必需品，她覺得男士西裝重着大家未必會為意，笑言很羨慕，若下一世有機會再做藝人會想當男藝人：「男仔就好啦，西裝入面換件裇衫又可以再着，但女仔條裙再着好覺眼，譬如豹哥喺《愛·回家》成日重着佢好鍾意嘅花花褸，但女仔唔得喎。」胡蓓蔚即表示不能以一竹竿打一船人，笑指陳山聰很會花錢買靚衫。

胡定欣透露自己兩次奪得視后時，也是穿上姚子裕所設計的服飾，因此今日一定要來支持。早前推出了首支個人單曲《未知也好》的她，被問是否有老公做金主全力支持？身旁胡蓓蔚即爆她其實是富婆：「佢大把錢，成日請我哋食飯又唔記得問我哋收返錢！」胡定欣則解釋平日吃飯會由她先買單，近日為宣傳新歌未有時間，笑稱稍後要找時間跟這班「胡説八道會」的好姊妹計清計楚，追問老公是否有出資支持出歌？她笑謂：「唉吔唔好講我老公啦，佢真係一個圈外人，總之佢精神上支持我就非常之好。」

另談到已育有3個孩子的好姊妹胡杏兒被指再度有喜，胡定欣與胡蓓蔚也表示未有聽聞，胡定欣笑指曾試過吃飽火鍋後也被質疑似懷孕，胡蓓蔚則認為生幾多個小朋友也是不是重點。

胡蓓蔚爆胡定欣係富婆。

胡蓓蔚話胡定欣成日請食飯。

胡定欣（右）解釋平日吃飯會由她先買單。

胡定欣表示應使則使，因服裝是工作上有需要。

張寶兒帶同大仔捧場。

譚耀文嚟啦！

楊思琪喺度。

阮浩棕和蔣祖曼嚟捧場。

胡定欣