【On.cc】唐詩詠嗌埋黃翠如賀愛貓生日　成身BB味攬攬被拒

藝人唐詩詠與黃翠如私交甚篤，令人羨慕。近日詩詠其中一隻愛貓「蛋蛋」迎來7歲生日，身為契媽的翠如自然現身參與「生日派對」，與詩詠齊齊為「蛋蛋」吹蠟燭，兩人分別將「蛋蛋」擁入懷，畫面肉緊之餘相當溫馨。

唐詩詠與黃翠如感情勁好。

詩詠事後於社交平台圖文並茂搞笑寫道﹕「生日快樂，蛋蛋。多謝你呢7年嚟都維持推開我呢個精神，你嘅愛我完全感受到。時間真係過得太快，淨係減肥都減咗5年，我會一直陪伴你，直到成功為止，希望大家都鼓勵蛋蛋，祈願減肥成功。」

她又「解讀」蛋蛋與翠如的感情，打趣續寫﹕「踏入12點，契媽專登同你慶祝。以前佢好鍾意契媽，但係佢個身多咗陣BB味（指蕭哈哈），蛋蛋即刻嬲嬲豬，唔畀佢抱，我都盡晒力㗎喇。」令不少網民忍俊不禁。

唐詩詠愛貓「蛋蛋」7歲生日喇！

唐詩詠幫佢開生日派對。

黃翠如依家成身愛子BB味，搞到「蛋蛋」推開佢。