【On.cc】胡楓曾入ICU昏迷4日　終極現身展強勁中氣

現年94歲的藝人胡楓（修哥）之前身體不適，及後佢公開自己早前因急性膽管炎入了伊利沙伯醫院ICU，前後昏迷了4天及由於呼吸問題需要插喉，幸依家已經痊愈，更與新抱JoJo一同拍片報平安。雖然修哥現身鏡頭前，但大家仍擔憂其健康狀況，當中組合草蜢成員蔡一傑與胡楓私交甚篤，蔡一傑經常上門探望修哥，又曾直言對方似爸爸一樣痛愛自己。今次佢晒出喺修哥家中拍攝嘅影片，留言蔡一傑：「修哥畀我睇當年佢唱我嘅歌，非常好笑，我還煮飯給他吃，他精神奕奕非常好👍🥰 經過批核 健康非常」

蔡一傑經常上門探望胡楓，當正佢係半個爸爸。

片中，蔡一傑晒出昔日修哥在節目上以泰文演唱草蜢名曲《失戀》，兩個睇片睇到大笑，蔡一傑又係咁「質問」修哥到底係咪真係識泰文，修哥則笑笑口反問：「咁你聽唔聽得明吖？」見佢咁精靈避開提問，精神十足又夠晒中氣，時不時仲繼續講笑，最搞笑係修哥以型仔恤衫襯短褲，一身打扮莊重得嚟又Casual，好大反差。

胡楓昔日以泰文演唱草蜢名曲，蔡一傑笑到失控。

胡楓現真身！

胡楓精神非常好，狀態十足。

蔡一傑留言都話經過「批核」，胡楓健康非常。