今屆港姐佳麗昨日現身宣傳活動，在自選相片環節期間，熱門佳麗李澤欣和魏欣選擇單人照，頓成焦點，被指鬥心十足，李澤欣更大膽承認遇上初戀，男友十分支持她選美。至於盧蔚晴大晒𥄫女相，實行另類搶Fo。

12位候選佳麗聯同師姐馮盈盈、黃嘉雯及陳懿德（德德）昨日出席特備節目《香港小姐湘遇記》試映會，大談湖南之旅的難忘時刻，其中盈盈身穿白色Deep V連身裙搶盡師妹「峰」頭。現場眾人各自挑選一張旅程照片作分享，絕大部分佳麗都選擇合照，唯獨大熱李澤欣和魏欣選擇單人照，被指有「鬥心」。談及為何挑選個人照，李澤欣解釋指來不及詢問大家是否對合照感到滿意，故選擇獨照最安全，德德力撐她是細心，而非「鬥心」。

德德指不少佳麗在行程最後一天變「喊包」，大爆袁絲珩率先灑淚，而李澤欣就最有「偶包」：「佢一喊，個攝影師就影住佢，佢即刻跑走，個攝影師就追住佢跑，個畫面好搞笑，大家原本喊緊都忍唔住笑。」李澤欣就否認有「偶包」，坦言只是不習慣展示脆弱一面，又指在德德身上獲益良多：「佢有教我點減肥，叫我忍吓口。」德德自爆旅程結束後勁減14磅，猶如再次參選港姐。

此外，李澤欣自爆戀情，透露剛拍拖不久，對方更是其初戀，現時感情穩定。問到男友是否支持她參選？她說：「佢好支持，佢知道呢個係我嘅夢想，佢好尊重我嘅決定。」又笑言若對方反對她參選，則惟有分手。

盧蔚晴當眾𥄫女

至於魏欣選擇自己身穿漢服食冰糖葫蘆的照片作分享，她透露在湖南拍攝期間很辛苦，獲工作人員送上冰糖葫蘆，令她暖在心頭，非常難忘。馮盈盈大讚魏欣是古裝美人：「佢嘅漢服扮相好有韻味，無論男女都畀佢電暈，少啲定力都企唔穩。」魏欣稱冰糖葫蘆由女性工作人員所送，自評漢服打扮有8分，但要改善表情管理，因經常笑到見牙唔見眼。除了漢服扮相獲讚外，身材豐滿的她，憑泳裝照成為網民焦點，她大方說：「多謝爹哋同媽咪畀我呢個身材令大家關注，我會好努力保持身形，保持好狀態。」

另外，盧蔚晴分享的相片最有趣，相中她蹲在泳池邊，身後是袁絲珩正在拍攝水着相，盧蔚晴直認「𥄫女」：「袁絲珩好好𥄫，人又靚，景又靚。（你睇好佢？）睇好佢，睇好全部12個加埋3個師姐。」認真口甜舌滑。

佳麗們都落力Keep Fit，惟另一大熱陳梓穎剛好相反，她稱返港後體重暴增3公斤：「因為湖南拍攝太攰，返到香港瞓咗兩日冇郁，加上食多咗，依家控制緊體重。」陳梓穎指除了腰圍，上圍都明顯升級：「着衫嘅時候感覺上下都緊咗，我肥得好均勻。（瘦番上圍會縮水？）咁都冇辦法，唔可以兼得。」