馮盈盈今日（25日）跟候選佳麗現身活動，她與（3）李澄晴、（5）魏欣、（9）周芳姿及（10）陳梓穎（Cecilia）在湖南之旅中同組，盈盈形容同組的師妹是珍珠，既靚又有內涵，更大讚魏欣是「古裝美人」：「佢嘅漢服扮相好有韻味，無論男女都畀佢電暈，少啲定力都定唔穩。」又讚Cecilia眼大兼樣子甜美，是好奇寶寶，經常主動發問。被封為港姐社工的她指出發湖南前周芳姿因廣東話不好需要較多關注，今日再見面，發現對方的廣東話進步神速，揚言要頒飛躍進步獎給她。

魏欣透露在湖南拍攝期間很辛苦，獲工作人員送上冰糖葫蘆，令她暖在心頭，問到工作人員是男是女？她說：「係女仔。（盈盈讚你係古裝美人，對自己漢服扮相畀幾多分？）8分，2分畀自己進步，不過需要改善表情管理，有時笑到見唔到對眼。」問到是否喜歡自己的泳裝扮相時？她坦言着泳裝要挺胸收腹又要捱凍太辛苦，對於豐滿身材成網民焦點，她大方說：「多謝爹哋同媽咪俾我呢個身材令大家關注，我會好努力保持身形，保持好狀態。」

相反同為大為門的Cecilia自湖南之行返港後體重暴增3公斤：「因為湖南拍攝太攰，返到香港瞓咗兩日冇郁，加上食多咗，依家控制緊體重，仲有一個月比賽減肥，希望泳衣環節時會好弗。（3公斤肥咗喺邊？）個肚。（上圍都升級？）係，肥咗都正常。着衫時感覺上下都緊咗，我肥得好均勻。（瘦番上圍會縮水？）咁都冇辦法，唔可以兼得。」提議盈盈教她局部減肥，盈盈笑言自己都想。