【娛樂新聞】鄭欣宜奮戰情緒病3年 復出絕密造型曝光 金髮孖辮Look現身筲箕灣.現年39歲嘅鄭欣宜（Joyce）自2023年紅館演唱會後神隱近三年，外界對佢嘅去向有諸多揣測，有傳佢受抑鬱症困擾，亦有消息指佢秘密產子。其經理人林珊珊曾表示：「Joyce的確係病咗，療傷之中。」

據悉，欣宜奮戰3年後終於成功戰勝情緒病，正為復出作準備。《東周刊》獨家捕獲佢與兩名工作夥伴現身筲箕灣一幢工廠大廈，絕密造型曝光——一頭金髮孖辮妹Look，令人眼前一亮。期間發生小插曲，佢喺座駕旁邊驚見曱甴，嚇到花容失色，呈現久違嘅可愛一面，同新造型相映成趣。欣宜復出在即，相信一眾歌迷都非常期待。