【娛樂新聞】《功夫女足》票房破10億 成今年第六部達標影片 星爺「童年老朋友」特輯曝光

周星馳執導嘅《功夫女足》票房走勢凌厲！根據貓眼專業版及燈塔專業版數據，截至7月17日，影片累計綜合票房（含預售）已正式突破10億元人民幣，成為2026年第六部票房破10億嘅電影。

為慶祝佳績，劇組近日釋出一支名為「童年老朋友」嘅情懷特輯。張小斐、迪麗熱巴、張藝興、劉嘉玲等一眾演員化身星爺影迷，分享星爺作品對佢哋嘅影響。張小斐話：「我們從小看着周星馳導演的電影長大。」迪麗熱巴透露童年時曾反覆觀看星爺電影，即使重溫《喜劇之王》仍有新體會。張藝興就話星爺嘅電影喺佢心中種下一顆種子。許君聰更激動表示，入行二十多年能與偶像合作，終於實現夢想。

特輯最大彩蛋莫過於劉嘉玲驚喜客串，佢同星爺曾於1996年合作《大內密探零零發》，二人相隔30年重聚，嘉玲笑言覺得星爺除咗頭髮白咗啲之外，其他都一樣。從幕後花絮可見，滿頭白髮嘅星爺親自坐鎮片場，從步法、表情到動作皆細心指導，標誌性嘅「無厘頭」風格令現場笑聲不斷。功夫女足成今年第6部破10亿影片