費倫天拿官方宣布從烏甸尼斯引入23歲法國中場 艾達（Arthur Atta） ，據報導轉會費 2500 萬歐元 + 500 萬歐元 add-ons 加 30% 下次轉會分成。

佢自己表示好多球隊向佢斟介，但佢同總監柏拿廸治以及教練格羅素傾談過之後，意識到呢一度嘅計劃會適合佢，佢透露自己嘅偶像係朗拿度同埋普巴。

呢位上季喺意甲取得五個入波同埋四個助攻嘅中場表示，自己係技術型同埋多才多藝嘅球員，但係門前嘅處理同高空波都需要改善。

今個夏天係總監柏拿廸治主理嘅第一個轉會窗，肯定嘅改變係轉會操作相對比較早，新球員除咗艾達，巴西中堅維亞利同達古辛都落實加盟，另外艾歷斯詹美利斯如無意外都快將正式宣佈來投。