揸車過深圳灣仲要搵證 件？
Out啦！
而家正式加入「睇樣」時代
秒速搞掂
快過你搵八達通啊！
🔻邊個用得？好簡單，3類人：
✅內地居民——有通行證 + 多次簽注（探親/商務/逗留/人才/其他都得）
✅香港/澳門居民——有回鄉證（就算非中國籍都得）
✅台灣居民——有台胞證（5年有效嗰隻）
🔻但要有兩個前提：
1⃣你架車嘅「跨境司機批文」已經喺邊檢備咗案
2⃣你同意畀佢哋影低你個樣同指紋（之前登記過就OK）
🔻實際點操作？步驟超簡單
1⃣揸車到「刷臉通道」
2⃣唔使落車，坐喺司機位就得
3⃣望住你左/右邊嗰個鏡頭箱
4⃣螢幕會顯示你個名，睇清楚係自己
5⃣望鏡頭、?手指模
6⃣綠燈著，閘桿升起——拜拜，走人！
全程唔使拎證 件出嚟，快過你搵銀包。
🔻如果我冇登記刷臉，咁點算？
唔使擔心！同一條通道一樣可以用舊方法「拍證 件」過關，照樣行得，唔會趕你走。
🔻有咩要留意？
🔹證 件一定要跟身！ 雖然唔使拎出嚟，但法例規定要隨身帶住，阿Sir隨時有權叫你出示
🔹過關嗰陣除低太陽眼鏡同帽，要清楚見到對眼
🔹手指太乾/太濕會影響指紋感應，輕輕吹吓或捽吓先?
🔹如果畫面停頓唔郁，唔好死等，即刻搵關員幫手
‼️總之記住：人過關，證跟身，就萬無一失～
而家深圳灣又順又快，返工搵食、北上玩樂，真係爽過以前好多！
(from：深圳边检)
