《你把我灌醉》成絕唱｜黃大煒夏威夷離世終年61歲 . 憑《你把我灌醉》、《讓每個人都心碎》等經典金曲紅遍華語樂壇嘅「搖滾教父」黃大煒，於檀香山時間6月2日早晨在夏威夷姐姐家中驟然離世，終年61歲。其家屬透過律師發布聲明證實死訊，並指兩位胞姊Consulina Wong及Joann Wong依法為黃大煒嘅全體繼承人，將全權處理後事，遺留嘅音樂資產以該律師事務所為唯一合法授權窗口。

黃大煒與經理人女友Vicky（趙瑞芳）愛情長跑26年，視對方為「靈魂伴侶」。Vicky自2003年確診胃癌，黃大煒不離不棄悉心照顧，更傳出砸下上億元為佢治病。去年底Vicky胃腫瘤不幸復發，為咗讓女友專心治療，黃大煒去年12月結束台灣生活，陪佢返回從小成長嘅夏威夷重新生活。可惜重返夏威夷僅半年，黃大煒便驟然離世，令外界震驚。

然而，死訊曝光後卻引發爭議。黃大煒女友Vicky接受訪問時直斥律師聲明「不合法」，怒指「他不可以代表黃大煒，我們會發律師信給他，他委任不合法，聲明稿也是違法。」佢透露6月2日過世，但家屬遲至13日才通知家人，「太離譜了！」Vicky揚言將委託律師對發布聲明嘅陳鎮宏提告，認為對方無權全權代理黃大煒嘅後事。而Vicky亦喺社交平台貼出2003年與黃大煒嘅甜蜜合照，深情悼念呢位相伴多年嘅摯愛。黃大煒嘅突然離世，不僅令樂壇痛失一位才華洋溢嘅音樂人，佢嘅身後事更掀起家屬與親密愛人之間嘅法律風波。