藝人丁子朗藉港男出身，近年進軍內地拍劇成績不俗，入行10年的他坦言非科班出身難免受到白眼，但自稱性格「天跌落嚟當被冚」，揚言會繼續努力不讓香港演員丟架！

2016年香港先生亞軍丁子朗，入行後獲無綫給予不少機會，10年間拍了近30部作品，近年挑戰自己進軍內地，當中短劇《他心不能測》進佔內地劇集排行榜第3位，相當厲害。子朗表示到內地拍劇讓他大開眼界，也嘗到不少辛酸：「內地觀眾認識香港嘅電視演員已經係佘詩曼、黃宗澤，再新嗰啲都噏唔出名，會覺得你一個香港人嚟到我哋地頭拍戲，憑乜嘢？會覺得拍戲一定好過我哋！」

雖然不被看好，但丁子朗仍然保持樂觀，並指被白眼的經歷可激勵自己加倍努力：「我唔想影衰TVB出嚟嘅演員。」為了做得更好，丁子朗特意找來普通話及台詞老師來教導：「因為內地覺得台詞功底好，演技自然唔會差，前輩黎耀祥成日講聲色藝，聲行先！」

丁子朗早年曾參加《亞洲超聲團》，最後未能入選，很多人覺得他一定大受打擊，但丁子朗表示剛好相反：「我得到嘅嘢遠比大家見到嘅多，老實講慶幸冇成為LOONG9，甚至依家香港嘅SURFIVE，但我好戥佢哋開心！」他指參加選秀節目是一個夢想，試過後讓他更清楚自己最愛的始終是演戲，他表示仍有跟超聲團參賽者包括張鎬濂等聯絡，大家會互相鼓勵及介紹機會，讓他十分感動。