三支主辦國全部亮相，美國係表現最好嘅一隊！賽前預測巴拉圭最少都可以攞一分，結果就令外界跌曬眼鏡。巴拉圭領隊艾華路喺排兵布陣以及臨場變動嘅工作有好多地方需要改善，喺應對美國5個中場球員嘅牽扯，明顯四後衛陣式同中場有好嚴重嘅脫節問題，特別係防線「抖」得太深，而中場防守亦都無足夠嘅屏障作用，繼而反擊第一時間嘅傳送成功率亦都低得可憐。兩個閘位同中場邊路都起唔到效果，球員信心越來越差，面對面交失波屢見不鮮。中場球員保巴迪拿（Damian Bobadilla）開波唔夠7分鐘嘅烏龍波，亦都打亂咗球隊部署。

美國嘅準備工作做得好好，球員目標好一致。五個中場嘅串連互動、跑動效果極佳。令到球員有更多時間同空間來提高射門效率，若果能夠再做好一點，相信比數唔止係咁多。名將之後嘅雷拿（Giovanni Reyna）81分鐘後備入替，97分鐘外腳背入靚波，相信為佢自己往後嘅發展帶來更多信心。美國先過一關，下一仗會迎戰澳大利亞，出現前景都幾樂觀，相反巴拉圭此戰過後瞬間跌落谷底，若果未能及時調整狀態，想晉級淘汰賽階段睇怕都幾大阻力。

世界盃分組賽賽事賽果-Group D美國🇺🇸4-1 🇵🇾巴拉圭澳大利亞🇦🇺🆚🇹🇷土耳其（稍後時間進行）

FIFA World Cup 2026 🇺🇸🇨🇦🇲🇽