張振朗大談Hyrox「又累又爽」多做運動拍戲更自信.張振朗今日（12日）出席《TVB 2026 灣區融合·IP擴陣發布會》，佢透露近幾個月對運動非常熱情，覺得同朋友一齊做運動好健康，個人自信同狀態都會好啲。

張振朗話Hyrox好正：「由頭到尾個幾鐘，心跳都維持170幾，但你都要Keep住完成成件事。嗰個過程點樣Focus，我覺得好好，同埋有好兄弟周嘉洛、朱敏瀚、關曜俊幾個一齊玩，成件事更加Enjoy同開心。」至於點樣分配精力拍戲、做節目、打籃球同玩Hyrox，佢話會分開日子做，避免傷病，又感激兄弟們嘅氛圍：「佢哋可能要拍《愛回家》，朝早做完運動就返工，好彩我嗰期未使拍劇，時間比較鬆動。」

張振朗認為Hyrox對拍戲好有幫助：「呼吸對演員好重要，動作戲多咗，自信都會多啲，運氣都好啲，同埋對自己身體嘅掌握了解多咗。做運動對我哋演員嘅身心都好有幫助。」TVB