譚俊彥盼《新聞女王3》元宇宙醫好隻腳：可以陪man姐周圍去.譚俊彥今日（12日）出席《TVB 2026 灣區融合·IP擴陣發布會》，對於《新聞女王3》即將開拍，佢話好期待原班人馬回歸，仲透露有一個願望：「你知啦，佳導嘅戲入便有好多元宇宙嘅，如果我個角色可以去到某一間佢元宇宙嘅醫院，醫返好我隻腳就好喇，咁我就可以陪住man姐周圍去。」

佢笑言講吓笑啫，但真係好開心收到呢個消息。譚俊彥仲話好期待第一次成班人一齊返去圍讀劇本嘅一刻，因為每一次圍讀嗰陣，啲火花就會返晒嚟，所以包括佢在內，大家好期待。TVB