久違大派福利！「地表最強辣媽」曾淑雅大晒逆天長腿. 有「長腿女神」之稱嘅曾淑雅（Jumbo），自前年結婚後先後誕下兒子Kobe及女兒Serafina，正式升格兩孩之母。雖然已逐漸淡出幕前，將重心轉移至家庭及瑜伽事業，但一向熱愛運動嘅佢對身材管理依然一絲不苟，長期處於勁佳狀態。

近日，Jumbo喺社交平台分享一輯全新個人寫真，罕有展現性感一面。相中佢身穿黑色平口喱士貼身短裙，配搭黑絲及高跟鞋，大騷招牌修長美腿。無論係站立、蹲姿定側臥拍攝，都完美展現纖瘦線條及緊緻身形，平坦小腹與勻稱曲線更令人難以相信佢已經係兩個小朋友嘅媽媽。

Jumbo喺貼文中幽默表示：「當一會兒的小辣媽……然後回家再變回那個不修邊幅的媽媽！」自嘲引來唔少網民共鳴。照片曝光後隨即掀起熱議，圈中好友紛紛留言大讚，蔡嘉欣直呼「So hotttt！」，何依婷亦留言「So fit！」。大批網民更被其凍齡狀態震撼，紛紛留言大讚「完全唔似生過兩個小朋友」、「少女感依然滿分」、「呢個身材管理太強」。