飛常日誌II馬國明獲封「人夫天花板」高海寧剪短髮獲讚後生 劉穎鏇轉戰行政人員. 馬國明、高海寧、劉穎鏇到香港國際機場出席新劇《飛常日誌II》記者會，眾演員以劇中造型亮相，吸引大批粉絲及旅客圍觀。

馬國明、高海寧與劉穎鏇受訪時透露，馬國明喺劇中連升三級，劉穎鏇由空姐轉做行政人員，要苦練日文，佢笑言朋友錄音畀佢不停背，同事都聽到入晒腦。

高海寧冇升職，但同洪永城嘅感情線繼續發展，係一段「成年人嘅戀情」，唔會心跳加速，但有心安感覺。高海寧最近剪短髮，佢話係為迎接夏日，馬國明笑言「後生晒，做得我個囡」。談到與鍾柔美合作，高海寧指她很努力，不過自己拍攝日期較短，沒時間聊天。

馬國明喺《夫妻肺片》被封「人夫天花板」，佢多謝曹永廉同蕭正楠帶佢開騷搵食，問是否賺錢買包包？他笑言睇太太有否需要，問湯洛雯可有跟隊撐場？他指出埠太太便不太想，問是否不方便搭飛機？他笑言不是。至於會否成為「男士公敵」？他指身邊朋友都對太太好，好似陳展鵬、陳豪、譚俊彥等，唔覺得自己拉高標準，因為身邊朋友都對太太好好。

劉穎鏇被樂易玲讚當年參選港姐積極瘦身，佢話當年有Baby fat，但減肥冇30磅咁誇張，最近正拍新劇，同朱敏瀚合作拍打戲，消耗體力又要曬黑。TVB