郭柏妍否認遭雪藏：成個人交畀公司 朱敏瀚獲機師邀考牌嫌學費貴. 郭柏妍與朱敏瀚在《飛常日誌II》同樣飾演機師。郭柏妍由國際航空學院學習，到今輯成為女機師，笑言喺機艙內會好驚，因為好多按鈕覺得好亂：「戲外我都有嘗試降落，雖然成功降落，但唔係喺香港，哈哈！」朱敏瀚指機師係困難嘅職業，幸好今次有郭柏妍分擔機師工作嘅演出：「我將最困難嘅術語都交晒畀佢，哈哈！」郭柏妍話機師術語好難，但自覺做得唔錯，笑言有準時收工。朱敏瀚笑言：「我有準時收工，佢我就唔知啦，哈哈！」

朱敏瀚在前作演機師後，憑形象得到唔少廣告機會，佢開心表示同機管局續約再合作多一年。郭柏妍即時自薦做女機師「搲撈」：「我見到你都有好多廣告啦！」被朱敏瀚取笑想「搶飯碗」。朱敏瀚透露，有機師邀佢轉跑道，不過學費太貴，若有贊助可以考慮考機師牌。問到外地讀書會演變成異地戀？朱敏瀚笑言會喺香港及成都讀，一個人做好事業。至於郭柏妍久未露面被指遭雪藏，佢表示早前冇劇集出街，之前拍攝咗旅遊節目，笑言將成個人交晒畀公司，預計今年會有新劇參演。TVB