傅嘉莉成績優異勇奪獎學金 感激遇見良師教導：感恩每一份指引與鼓勵. 傅嘉莉除咗忙於幕前工作，早前更回歸校園修讀珠寶學學士課程，兩邊兼顧，絕不容易。不過佢嘅努力冇被白費，日前佢喺社交網公布喜訊，透露自己勇奪獎學金，仲晒出成績單。相中可見佢成績優異，奪得A-佳績，非常叻女。之後佢又晒出一封感謝信，多謝所有導師嘅教導，令佢獲益良多，又話今次係佢人生中首奪獎學金，絕對係好大嘅鼓勵。

傅嘉莉發文寫道：「得到人生第一個學術上的獎學金，我不算聰明，但一直深信努力專注投入，便能與目標拉近。一路鑽研寶石知識，最幸運的遇見悉心教導我的良師，it has been a true privilege to be their student。感恩每一份指引與鼓勵。守住熱愛，持續深耕，無論演戲和讀書，未來繼續加油。」好多粉絲紛紛讚好。

傅嘉莉接受tvb.com獨家訪問表示，攞到獎學金感到十分高興，又透露8月將會畢業，「到時就戴上人生第一個四方帽，完成咗自己兒時嘅願望，冇諗過因為興趣讀文憑，再讀埋學位，之後可以戴四方帽，成件事好夢幻。」TVB