袁文傑大方透露陳浚霆私底下為人 除了像大哥哥更是「米飯班主」.袁文傑昨日（6日）出席劇集《香港探秘地圖》宣傳活動，接受《香港01》訪問時講到處境劇《愛·回家之開心速遞》當中的一些事。對於陳浚霆「風少」被指為求留下「風素CP」不惜拆散多對CP的傳聞，袁文傑點名大讚陳浚霆，直言「真係好莫名其妙」：「因為風少係一個對每一個人都好nice啦，甚至乎講笑咁講係我哋嘅米飯班主嚟㗎嘛！佢經常開工又好，甚至乎我見過佢唔使開工啦，佢都特登走返嚟，請大家飲飲食食，咁呢啲精神支柱嘅力量係好緊要㗎！」

袁文傑更透露陳浚霆比他更像一個大哥哥：「我記得有一次發生咗啲拍攝上面嘅意外，唔使擔心冇事㗎啦。佢反而好似個大哥哥嘅身份安慰返我，咁應該我係大哥哥先啱㗎嘛，咁佢係一個好識得照顧別人嘅一個好好嘅藝人，一個好好嘅同事！」TVB