黃洛妍為母校女拔萃舊生會獻聲 領唱校園聖詩深感榮幸. 《聲夢傳奇2》亞軍黃洛妍（Janees）近日推出新歌《槍與玫瑰》，搵嚟曾志偉、佘詩曼、譚詠麟等重量級前輩相助宣傳，非常有面子。Janees嘅母校拔萃女書院日前舉行舊生會（DGS Old Girls Association）創會百周年晚宴，邀請Janees擔任表演嘉賓，令佢非常榮幸。

一百周年係一個世紀，呢次「世紀盛宴」喺港島灣仔合和酒店宴會廳舉行，筵開100席，來自唔同年代嘅畢業生齊聚一堂，有啲更係專程由外國返港，場面盛大溫馨。當晚，曾喺奧地利深造小提琴演奏、其後喺音樂之都維也納展開演奏家生涯嘅Janees，當然唔少得要演奏小提琴。除咗演奏，唱功了得嘅Janees仲以細膩動人嘅歌聲引領全場學姐師妹一齊高唱校園聖詩。喺縈繞不絕嘅合唱聲中，嗰份跨越世代嘅「女拔姊妹情」激盪在場每一個人。

Janees話：「能夠喺舊生會100周年呢個歷史性時刻回到母校懷抱，並用我嘅音樂同歌聲回饋母校，係我嘅榮幸。」而莫文蔚早前都曾獲邀為母校150周年紀念做表演嘉賓，如今舊生會都已成立100周年，比好多學校嘅歷史仲要長！TVB