陳煒爆曾被「小鮮肉」力追 親揭三大關鍵線索 範圍大幅縮窄！. 陳煒日前在TVB節目《夫妻肺片》中大爆當年拍劇時曾被一位「小鮮肉」力追，隨即引發網民瘋狂猜測，王梓軒更一度被指係嫌疑人，後來陳煒親自回覆否認。今日（7日）陳煒出席《香港潮州節》活動，活動後再透露更多線索，進一步收窄範圍。

陳煒接受訪問時，自言有潮州女性特質，鍾意自己做家務、服侍老公，仲話老公係「大爺」，要侍候得佢開心舒服。講返「小鮮肉」事件，佢話：「有啲難估嘅，喺《多功能老婆》之前發生嘅事。（喺乜嘢之後發生？）唔好縮到咁窄啦。（年紀？）大概係10年左右，因為佢都少喺呢個台出現，冇喺TVB。」

陳煒現年52歲，如果相差10年左右，即係「當事人」現年大約42歲，事件發生喺2019年之前，而且對方係已離巢、少喺TVB出現嘅藝人。呢三大線索一出，網民隨即再展開新一輪競猜！TVB