胡楓獲頒健力士世界紀錄 劉德華張家輝攙扶場面感人. 94歲嘅胡楓（修哥）今日（7日）於紅磡體育館舉辦《修哥九五至尊無限楓騷演唱會》，現場星光熠熠，楊千嬅、Big Four、草蜢、羅嘉良、陳奕迅、張家輝、陳松伶、莫文蔚同汪明荃等擔任嘉賓，連劉德華都有到場支持。演唱會尾聲，修哥獲頒「健力士世界紀錄保持者 舉辦演唱會最年長的華語藝人」獎狀，但領獎時突然站不穩向後跌，幸得身旁嘅張家輝即時扶住，另一邊嘅劉德華雖然手持獎狀，都馬上讓修哥扶住自己膊頭，等佢企穩。呢個暖心舉動引來全場歡呼，場面感人。修哥以94歲高齡完成創舉，成為全球最年長開騷嘅華語藝人，認真威水。TVB