排舞師LENNA被誤認成港姐候選人感榮幸：嗰日真係唔係去選港姐. 《魔音女團》排舞師LENNA昨日（6日）現身TVB公益金活動，佢為女團排舞及為張與辰伴舞。早前佢返TVB為女團練舞時，剛好撞正港姐首次面試日子，被誤會成其中一位佳麗。LENNA接受《香港01》訪問時笑指當日係個美麗嘅誤會，當時佢只係去排舞：「嗰日就的確唔係去選港姐嘅。」

被問到會唔會考慮參加港姐，LENNA話：「睇下有冇機會啦，有機會嘅話可能㗎都唔定，但係如果有機會嘅話可以嘗試㗎！（有冇報名？）暫時就未嘅！（會唔會試下報名？）首先好多謝大家嘅厚愛先，唔敢當！都係嗰句，有機會嘅話。」佢不忘多謝大家嘅鼓勵，仲話所有幕前工作——主持、唱歌、跳舞——佢都好想一試。