曾經盛傳會離開利物浦嘅超新星祖舒亞艾比（Joshua Abe），今日傳來驚人的突破性發展- 與利物浦簽下一紙學徒合約並提前鎖定踏入17歲時即簽下職涯首張職業合同。
此子目前年僅15歲，今年7月生日後將踏入16歲，司職右翼鋒位置，今年早已「越級」代表u18上陣，並為球隊攻入多個入球。
據報艾比拒絕咗多間英超球會嘅高薪挖角，年初更一度盛傳佢會跳槽至皇家馬德里並收取優厚嘅簽字費。結果佢選擇留喺利物浦繼續發展，消息指紅軍今夏外訪之旅將會帶同此子出行，下季亦有望再跳一級升上u21 梯隊比賽。
以新任領隊伊拿奧拉嘅作風，艾比更有望打破積克羅賓遜（Jack Robinson）同夏維艾利洛目前分別保持嘅利物浦最年輕球員英超上陣紀錄，前者記錄係16歲零250日，後者是16歲273日。
