藝人羅蘭昨晚現身電影《走出人質事件》尖沙咀首映禮，羅蘭去年「被消失」在無綫官網，揭發已離巢，年初在家中跌倒留院的她健康情況更令人擔心。晚上她撐住拐杖由工人攙扶下到場，講到身體情況，她指早前在家中跌倒，現在仍要看醫生，希望康復後可以再拍戲，並不希望退休，希望繼續開工，她說：「唔拍戲唔習慣，開工唔辛苦，一大班人好似大家庭咁，開工好開心。（係咪因為身體唔好所以冇同TVB續約﹖）唔係，係佢唔搵我，佢唔請我。（唔請你有冇唔開心﹖）咁又冇唔開心，聽啲同事講超過幾多歲就唔請，咁我應該超過咗。（有冇人搵你傾過﹖）有，佢哋仲話人工好奀，勸我唔好簽，睇見人工咁奀，咁就唔簽。（樂小姐同你傾﹖）唔係，冇所謂啦，第日啱再做。」