熱拿亞宣布33歲烏克蘭中場馬連路夫斯基今季完結之後，將會約滿離隊。

佢喺熱拿亞嘅日子唔算長，只係踢咗三個球季，上季仲有大部份時間因為嚴重腓骨受傷，缺席三份二嘅比賽，但係加埋喺亞特蘭大效力嘅日子，佢總數喺意甲上陣185 場入33球交出30次助攻。聽日對AC米蘭，將會係呢位左腳中場最後一場喺熱拿亞嘅主場比賽，之後好大可能轉會土耳其特拉布宗。